السلام عليكم هذه قصيدة للشاعر عبد الرحمن الأبنودي أتمنى أن تنال إعجابكم
فينك يا عبد الحليم
فينك يا عبد الحليم
فين صوتك اللى كان
فرح وهموم
وكان سما بنجوم
اللى طلع م القلب
عارف يعيش..ويدوم
فينك يا عبد الحليم
فينك
يا احلا من يغنى الفراق
تيجى تغنى زحمة الشهداء
والدم فى فلسطين
وعلى توب العراق
فينك يا عبد الحليم
فينك يا زارع الحلم
بعد الحلم
بعد الحلم
الدنيا.. ريح.. وغيوم
الدنيا..موت..وسموم
ولا حد سامع
صرخة المظلوم
ولا انة المهموم
الدنيا منتظرة صوتك
ومحوشالك هم
اكتر من الايام
الدنيا منتظرة صوتك
ليه رحت قوام
ضاقت مساحة الكلام
والشوك
ما زال يوعد بصحبة ورد
الشوك خسيس
عمره ما يوفى بعهد
الشوك كما تعرف
خبيث..خوان
وفجرنا اعمى
Messages In This Thread
قصائد - by Bskowet - 12-07-2023, 11:14 AM
Possibly Related Threads…
Thread
Author
/
Last Post
Users browsing this thread: 1 Guest(s)